Студенттер колледждер арасында мәнерлеп оқу байқауында жүлделі орындарға ие болды.   

2024 жылдың 30 қыркүйек күні Қала күніне орай ұйымдастырылған Алматы қаласы музейлер бірлестігіне қарасты С.Мұқанов пен Ғ.Мүсіреповтің әдеби-мемориялдық музей кешенінде «Алматым-жастығымның куәсі» атты тақырыпта колледждер арасында мәнерлеп оқу байқауы ұйымдастырылды. Қатысушылар Алматы туралы белгілі ақындардың шығармашылықтарынан өлеңдер оқыды. Қазылар алқасының құрамында белгілі ақын-жазушылар болып, жыр сүйер қауымның өнерлерін бағалады. Мәнерлеп өлең оқуда озып шыққан колледж шәкірттерін анықтап орындармен марапаттады. Біздің студенттеріміз бәйгеде оза шауып,  Ысқан Аслан 1 жүлделі орынды, Дәрібай Назерке, Қалдыбек Рақымжан 2 жүлделі орынды иеленді. Мәнерлеп оқуға дайындаған оқытушы Анар Нариманқызы  арнайы алғыс хатпен  марапатталды.